වසර දෙකහාමාරකට පසු පළමුවරට Cruise ship වර්ගයේ මගී ප්‍රවාහන නෞකාවක් මෙල්බන් නගරයට පැමිණ තිබෙනවා.
මගීන් 2500 ක් රැගත් නෞකාව Coral Princess අද පෙරවරු 07.30 ට පමණ මෙලෙස මෙල්බන් වරායට සේන්දු වූ බව සඳහන්.
මේ සමගම වික්ටෝරියා ප්‍රාන්තයේ මගී ප්‍රවාහන නෞකා කර්මාන්තය යළිත් ආරම්භ වී ඩොලර් මිලියන ගණනක ආදායමක් නැවතත් හිමිවනු ඇති බවටයි අනාවැකි පළවන්නේ.
නොවැම්බර් මාසයේ සිට ග්‍රීෂ්ම සෘතුව පුරා මගී ප්‍රවාහන නෞකා 13 ක් මෙල්බන් වරායට පැමිණීමට මේ වනවිටත් තහවුරු කර තිබෙනවා.
එමගින් වික්ටෝරියා ආර්ථිකයට ලැබෙනු ඇතැයි අපේක්ෂා කරන මුදල ඩොලර් මිලියන 115 ක්.
කොවිඩ් වසංගතය හමුවේ වික්ටෝරියා ප්‍රාන්තයට මගී ප්‍රවාහන නෞකා පැමිණීම නතරවී තිබූ අතර එමගිග් වසරකට අහිමිවූ මුදල ඩොලර් බිලියන 05 ක්.
Melbourne Cup සහ Australian Open වැනි ක්‍රීඩා ඉසව් ඉලක්ක කර ඉදිරියේදී මගී ප්‍රවාහන නෞකා ගෙන්වා ගැනීමටද සැළසුම් කර තිබෙනවා.
