නිවු සවුත් වේල්ස් ප්‍රාන්තය පුරා සියලුම Opal යන්ත්‍ර ලබන සතියේදී අක්‍රීය කිරීමට ප්‍රවාහන වෘත්තීය සමිති තීරණය කර තිබෙනවා.
ඒ සිය වෘත්තීය ක්‍රියාමාර්ගවල එක් අධියරක් ලෙසයි.
සැප්තැම්බර් 21 වනදා සිට දුම්රිය මාර්ග පද්ධතියේ සියලුම Opal යන්ත්‍ර සම්පූර්ණයෙන් අක්‍රීය කරන බවටයි වෘත්තීය සමිති අද නිවේදනය කර සිටියේ.
මේ හරහා මගීන්ට නොමිළයේ දුම්රියේ යාමට අවස්ථාව උදාවන අතර එමගින් NSW ප්‍රාන්ත රජයට දැඩි අලාභයක් සිදුවනු ඇතැයි අපේක්ෂිතයි.
වැටුප් විෂමතා ඉවත් කිරීම සහ සේවා ගුණාත්මකභාවය වැඩි කරන ලෙස ඉල්ලමිනුයි නිවු සවුත් වේල්ස් ප්‍රවාහන වෘත්තිය සමිති මාස ගණනාවක සිට විවිධ වෘත්තිය ක්‍රියාමාර්ගවල නිරත වන්නේ.
