යෝජනා කර ඇති වෙනස්කම් දින 14 ක් ඇතුළත සිදු නොකරන්නේ නම් බලපත්‍රය අහෝසිවීමේ අවධානමකට සිඩ්නි හි Star Casino ආයතනය මුහුණ පා සිටිනවා.
සංවිධානාත්මක අපරාධ ක්‍රියාකාරකම්වල මූලස්ථානයක් බවට එය පත්ව ඇති බවයි පසුගියදා නිකුත් වූ වාර්තාවක සඳහන් වුණේ.
මෙම නව නියෝගයත් සමග 8000 කට ආසන්න පිරිසකගේ රැකියා අහිමිවීමේ අවධානමක්ද උද්ගතව තිබෙනවා.
මුදල් විශුද්ධිකරණය ඇතුලු චෝදනා මාලාවක්ද Star Casino වෙත එල්ල වී තිබෙනවා.
අදාළ වගකිවයුත්තන්ට එරෙහිව විනය පියවර ගැනීමයි ලැබී ඇති නියෝග මාලාවේ ප්‍රමුඛම නිර්දේශයක් වන්නේ.
Star Casino අයත් Star Entertainment සමූහය පවසන්නේ චෝදනා ඇතුළත් වාර්තාව අධ්‍යයනය කරමින් සිටින බවයි.
දින 14 ක් ඇතුළත ඊට ප්‍රතිචාර දක්වන බවත් ඔවුන් සඳහන් කරනවා.
