සරම්ප (measles) රෝගියෙකු හමුවීමත් සමග නිවු සවුත් වේල්ස් ප්‍රාන්තවාසීන්ට අනතුරු ඇගවීමක් සිදුකර තිබෙනවා.
2020 පෙබරවාරි මාසයෙන් පසු පළමු වරටයි නිවු සවුත් වේල්ස් ප්‍රාන්තයෙන් සරම්ප රෝගියෙකු හමුවී ඇත්තේ.
වයස අවුරුදු 50 ක් පමණ වන අයෙකු ආසියානු රටක සංචාරය කර පැමිණීමෙන් පසු රෝග ලක්ෂණ පෙන්නුම් කර ඇති බව ප්‍රාන්ත සෞඛ්‍ය අංශ සඳහන් කලා.
ඔහු විසින් රෝග ලක්ෂණ පහළ කිරීමෙන් පසු ගමන් කර ඇති ස්ථාන සහ වේලාවන් පහත පරිදියි.
- St Andrew’s Catholic Church Malabar for mass, Sunday 4 September at 10.30am
- Tyree Energy Building, University of NSW on Tuesday 6 September (all day)
- Lounge Restaurant, University of NSW on Tuesday 6 September, 12.15pm to 2pm
- Pacific Square, Maroubra on Wednesday 7 September, 9am to 11am
ඉහත ස්ථානවල සිටි කවරෙකුට හෝ සැප්තැම්බර් 24 වනදා දක්වා සර්ම්ප රෝග ලක්ෂණ පෙන්නුම් කර ඇත්නම් වහාම ප්‍රතිකාර සඳහා යොමුවන ලෙස ඉල්ලීමක් කෙරෙනවා.
සරම්ප රෝග ලක්ෂණ මොනවාද?
සෙම්ප්‍රතිශ්‍යාව හැදෙන විට මතුවන රෝග ලක්ෂණවලට සමානයි. ක්‍රම ක්‍රමයෙන් වැඩිවන උණ දින 2,3ක් පවති. ඇඟපත වේදනාව, ආහාර අරුචිය, නාසයෙන් හොටු දියර ගැලීම, කැස්ස පළමුව ඇති වී පසුව ඇස් රතුවී ඇස් රුදාව ඇතිවේ.
සිරුරේ රතුවන් ලප කැළැල් ඇති වන්නේ ඊට පසුවයි. රතු ලප ඇතිවීමට දින 2කට පෙර සිටම ලොප්ටික් ලප (Loplik spots) නමින් රතු ලපය මැද පිහිටි අලුවන් සුදු තිත් සහිත කැළැල් වර්ගයක් මුඛය තුළ බිත්තියේ දක්නට ලැබෙනවා.
කන පිටුපස ඇතිවන රතුවන් බොඳ වී ගිය ලප සෙමින් බෙල්ල ප්‍රදේශයටත් පසුව නළලටත්, මුහුණට සහ කඳ ප්‍රදේශයටත් පැතිර යනවා.
එම rash එක මතුවන විට උණ අඩුවී යයි. සතියක් පමණ පවතින රතු කැළැල් සෙමින් බොඳ වී ගොස් හම දුර්වර්ණ භාවයට අවසානයේදී පත්වේ. පසුව සමේ උඩ ස්ථර ඉවත් වීමත් සමඟ සමෙහි නියම පැහැය ඇති වේ.
