ඔස්ටේ්‍රලියානුවන්ගෙන් බහුතරය ජනරජයක් වීමට වඩා තවදුරටත් බ්‍රිතාන්‍ය පාලනය යටතේ සිටීමට වැඩි කැමැත්තක් දක්වන බව සමීක්ෂණයකදී අනාවරණය වී තිබෙනවා.
මහ රැජිණගේ අභාවයෙන් පසු 03 වන චාර්ල්ස් රජුගේ පත්වීමෙන් පසු Roy Morgan සමීක්ෂණ ආයතනය විසින් සිදුකල අධ්‍යයනයකට අනුව සියයට 60 ක් පමණ පවසා ඇත්තේ බ්‍රිතාන්‍ය කිරීටය යටතේ ඔස්ටේ්‍රලියාව තවදුරටත් පැවතිය යුතු බවයි.
පසුගිය නොවැම්බර් මාසයේදී එම ප්‍රතිශතය සටහන් වූයේ සියයට 55 ක් ලෙසයි.
ජනරජයක් බවට ඔස්ටේ්‍රලියාව පත්විය යුතු බවට ස්ථාවරය දරන පිරිස සටහන් වන්නේ සියයට 40 ක් ලෙසයි.
පුද්ගලයන් 1012 ක් යොදාගනිමින් මාර්ගයෙන් මෙම මත විමසුම සිදුකර තිබුණා.
කාන්තාවන්ට වඩා පුරුෂයන් බ්‍රිතාන්‍ය කිරීටය යටතේ සිටීමට කැමති බවයි එහිදී අනාවරණ වී ඇත්තේ.
කෙසේවෙතත් තරුණ ප්‍රජාව අතර වැඩි කැමැත්තක් පවතින්නේ ජනරජයක් බවට පත්වීමට බවටත් මෙහිදී අනාවරණය වී තිබෙනවා.
