තමාගේ පළමු ධුර කාලය අවසන් වන තුරු ඔස්ටේ්‍රලියාව ජනරජයක් බවට පත්වීමට අදාළ ජනමත විචාරණ නොපවත්වන බව අගමැති ඇන්තනී ඇල්බනීස් අවධාරණය කර තිබෙනවා.
වත්මන් ලේබර් රජය ප්‍රමුඛත්වය දී ඇත්තේ පොදු රාජ්‍ය මණ්ඩලයෙන් ඉවත්වීමට නොව පාර්ලිමේන්තුවේ ස්වදේශික නියෝජනයක් ඇතිකර ගැනීමට බවයි අගමැතිවරයා කියාසිටියේ.
ඔස්ටේ්‍රලියාව සහ මහා බ්‍රිතාන්‍යය අතර ශක්තිමත් සබඳතාවය තවත් දීර්ඝ කාලයක් පැවතිය යුතුය යන්න ඇන්තනී ඇල්බනීස්ගේ ස්ථාවරයයි.
එබැවින් මීලග ෆෙඩරල් මැතිවරණය පැවැත්වෙන 2025 වසර වන තෙක් හෝ අවම වශයෙන් ජනමත විචාරණයක් නොපවත්වන බවටයි අගමැතිවරයා සහතික වන්නේ.
මේ අතර රැජිණගේ රාජකීය අවමංගල්‍ය උත්සවයට සහභාගීවීමට අගමැති ඇන්තනී ඇල්බනීස් ලබන බ්‍රහස්පතින්දා රාත්‍රියේ ලන්ඩන් නුවර බලා පිටත්ව යාමට නියමිතයි.
