අගමැති ඇන්තනී ඇල්බනීස් සහ චීන ජනාධිපති ෂී ජිංපිං අතර සාකච්ඡාවක් ඉතා නුදුරේදී පැවැත්වෙන ළකුණු පළවී තිබෙනවා.
ඔස්ටේ්‍රලියාවේ සිටින චීන තානාපති Xiao Qian විසින්ද ඒ සම්බන්ධ ඉගියක් පළකර ඇති බවයි අද මාධ්‍ය වාර්තා පළවී ඇත්තේ.
විදේශ සබඳතා සහ වාණිජ දෙපාර්තමේන්තුව සමග තමන් ඒ සම්බන්ධයෙන් සමීපව කටයුතු කරමින් සිටින බවයි තානාපතිවරයා කියාසිටියේ.
වෙළඳ කරුණු සහ දකුණු චීන මුහුදේ ක්‍රියාකාරකම් හේතුවෙන් ඔස්ටේ්‍රලියාව සහ චීනය අතර සැළකිය යුතු කාලයක සිට මතභේදාත්මක වාතාවරණයක් පවතිනවා.
කෙසේවෙතත් අදාළ සියලු කරුණු සාකච්ඡා කර විසඳාගත හැකි ගැටලු බවයි චීන තානාපතිවරයා පෙන්වා දෙන්නේ.
