ශීත සෘතුව අවසන්වී වසන්ත සමය එළැඹීමත් සමග බෝ නොවන රෝග කිහිපයක් සම්බන්ධයෙන් වැඩි අවධානයක් යොමු කරන ලෙස වික්ටෝරියා ප්‍රාන්තවාසීන්ට දැනුම්දීමක් සිදු කෙරෙනවා.
විශේෂයෙන් ඇදුම සහ hay fever රෝගී තත්වයන්ගෙන් පෙළෙන පුද්ගලයන් වහා වෛද්‍ය උපදෙස් පතා අවශ්‍ය පියවර ගන්නා ලෙසයි ඉල්ලීමක් කෙරෙන්නේ.
එළඹෙන සති කිහිපයේදී ගිගුරුම් සහිත වැසි සහිත කාළගුණ තත්වයක් උදාවීමත් හමුවේ රෝගී තත්වයන්හි ඉහළයාමක් අපේක්ෂා කිරීම ඊට හේතුවයි.
ලබන ඔක්තෝබර් පළමුවනදා සිට VicEmergency ඇප්ලිකේෂනය හරහා දෛනික අවධානම් තත්වය පිළිබඳ තොරතුරු ලබාගැනීමටද අවස්ථාව උදාවනවා.
ගිගුරුම් සහිත වැසි හෝ සුළං තත්වයන් හිදී හැකිතාක් නිවාස තුළටම වී සිටින ලෙසටද මුලික උපදෙස් ලබාදීමක් සිදුකෙරෙනවා.
2016 වසරේදී වසන්ත සමයේ ඇදුම රෝග තත්වය හේතුවෙන් පුද්ගල මරණ 16 ක් වාර්තා වී තිබුණා.
