මීට මාස කිහිපයකට ඉහතදී දැඩි ආන්දෝලනයට තුඩු දුන් බටහිර ඔස්ටේ්‍රලියාවේ ක්ලියෝ ස්මිත් දැරිය පැහැර ගැනීමේ සිද්ධියේ සැකකරු වන Terence Darrell Kelly නමැත්තාට දඩුවම් නියම කිරීම ලබන දෙසැම්බර් මාසයට නියම කර තිබෙනවා.
16 හැවිරිදි බාලවයස්කාර දරුවෙකු බලහත්කාරයෙන් පැහැර ගැනීම යන චෝදනා යටතේ මෙම තැනැත්තා වරද පිළිගෙන තිබුණා.
බටහිර ඔස්ටේ්‍රලියා දිස්ත්‍රික් අධිකරණයකදී නඩුව අද විභාගයට ගැණුනු අතර එහිදී අධිකරණ කටයුතු අඛණ්ඩව පවත්වාගෙන යාමටයි එකග වී ඇත්තේ.
දෙසැම්බර් 13 සහ 14 යන දිනවල නඩු විභාගය පවත්වා දඩුවම් නියම කිරීමටද එහිදී තීරණය වී තිබෙනවා.
දින 18 ක් අතුරුදන්ව සිටි ක්ලියෝ ස්මිත් දැරිය පසුගිය නොවැම්බර් මාසයේදී සොයාගැණුනේ ඇය අතුරුදන්වූ කඳවුරු භූමියේ සිට කිලෝමීටර් ගණනාවක් ඈතින් පිහිටි නිවසක සිටියදීයි.
එය එවක ලොව පුරා ප්‍රමුඛ පුවතක් බවටද පත්වුණා.
