බටහිර ඔස්ටේ්‍රලියා ප්‍රාන්තයේ මුහුණු ආවරණ රෙගුලාසි තවත් ලිහිල් කිරීමට තීරණය වී තිබෙනවා.
මේ අනුව ලබන සිකුරාදා සිට පොදු ප්‍රවාහනයේදී මුහුණු ආවරණ භාවිතයද අනිවාර්ය නොවනු ඇති.
කුළී රථ සහ අන්තර් ප්‍රාන්ත ගුවන් ගමන් වලදී මුහුණු ආවරණ භාවිතයද එදින සිට අනිවාර්ය නොවන බව ප්‍රාන්ත අගමැති මාර්ක් මැක්ගෝවන් සඳහන් කලා.
කෙසේවෙතත් ගෘහස්ථ කටයුතුවලදී සහ ජනතාව ඒකරාශිවන අවස්ථාවලදී මුහුණු ආවරණ භාවිතය තවදුරටත් සිදුකල යුතු බවටයි බටහිර ඔස්ටේ්‍රලියා ප්‍රාන්ත රජය දන්වා සිටින්නේ.
aged care මධ්‍යස්ථාන වෙත පැමිණිය හැකි අමුත්තන්ගේ සංඛ්‍යාව ඇතුළත් සීමා ලිහිල් කිරීම අද සිට බලාත්මකයි.
ඒ අනුව එක් එක් ආයතනය වෙත පැමිණිය හැකි බාහිර අමුත්තන් සංඛ්‍යාව තීරණය කිරීම එම මධ්‍යස්ථාන වෙතම පවරා තිබෙනවා.
කෙසේවෙතත් aged care මධ්‍යස්ථාන වෙත පැමිණීමේදී එන්නත්කරණයට ලක්ව සිටීම සහ මුහුණු ආවරණ පැළඳීම තවදුරටත් අනිවාර්ය අවශ්‍යතාවයක් ලෙස පවතිනු ඇති.
