බලයට පැමිණීමෙන් පසු සිදුකරන බවට ෆෙඩරල් මැතිවරණයේදී ලබාදුන් child care ප්‍රතිසංස්කරණ වහා ඉටු කරන්නැයි වික්ටෝරියා අගමැති ඩැනියල් ඇන්ඩෲස් මධ්‍යම රජයෙන් ඉල්ලීමක් කරනවා.
ඒ අනුව ඩොලර් 80,000 ක් දක්වා වාර්ෂික ආදායමක් උපයන පවුල්වල පළමු දරුවාට child care සහනාධාරය සියයට 90 ක් දක්වා ලබාදීම වහා ක්‍රියාත්මක කල යුතු බවයි ඔහු අවධාරණය කරන්නේ.
ඊට අමතරව වාර්ෂික ආදායම ඩොලර් 530,000 දක්වා උපයන සෑම පවුලකටම කුමන හෝ සහනයක් හිමවිය යුතු බවත් අගමැතිවරයා පෙන්වා දෙනවා.
ඔහු මේ බව කියාසිටියේ කැන්බරා නුවර පැවැත්වෙන රැකියා සහ නිපුණතා සමුලුව අමතමිනුයි.
child care සඳහා වැඩි වශයෙන් සහන ලබාදීමෙන් කාන්තාවන් වැඩි වශයෙන් සේවයට කැඳවා ගත හැකි බවද ඩැනියල් ඇන්ඩෲස් මෙහිදි සඳහන් කලා.
