සිල්ලර වෙළඳසැල් සේවකයන්ට පහරදෙන සහ විවිධ තර්ජන එල්ල කරන පුද්ගලයන්ට සිර දඩුවම් නියම කෙරෙන නව නීති මාලාවක් දකුණු ඔස්ටේ්‍රලියා ප්‍රාන්ත රජය විසින් යෝජනා කර තිබෙනවා.
ඒ අනුව පොලිස් නිළධාරීන්ට හෝ සෞඛ්‍ය සේවකයන්ට පහරදීමකදී හිමිවන දඩුවම් හා සමාන අයුරින් වසර 07 ක උපරිම සිර දඩුමකට යටත්වීමට එවැනි වරදකරුවන්ට සිදුවනු ඇති.
කොවිඩ් වසංගතය එළැඹීමත් සමග වෙළඳසැල් තුළදී හඳුන්වා දෙනු ලැබු විවිධ රෙගුලාසි සඳහා පාරිභෝගිකයන්ගෙන් ඇතැමුන් එකග නොවීම හමුවේ සේවකයන්ට එල්ලවන පහරදීම්වල ඉහළයාමක් දක්නට ලැබෙන බව සඳහන්.
මෙම නව නීති ඉදිරියේදී ප්‍රාන්ත පාර්ලිමේන්තුවට ඉදිරිපත් කර සම්මත වුවහොත් නව නීති ලෙස ක්‍රියාත්මක වනු ඇති.
මේ අතර යෝජිත නීති මගින් ආවරණය වනුයේ සිල්ලර වෙළඳසැල් සේවකයන් අතුරින් කොටසක් පමණක් බවටද චෝදනාවක් එල්ල වනවා.
