ඔස්ටේ්‍රලියා දිනයේ වෙනසක් සම්බන්ධයෙන් ෆෙඩරල් රජයෙන් නිල ඉල්ලීමක් සිදුකිරීමට මෙල්බන් නාගරික කවුන්සිලය තීරණය කර තිබෙනවා.
පුරවැසිභාවය පිරිනැමීමේ උත්සව සහ අනෙකුත් සැමරුම් ජනවාරි 26 වනදා පැවැත්වීම අඛණ්ඩව සිදුකිරීමටත් ඔස්ටේ්‍රලියා දිනය සැමරීම වෙනත් දිනයකදී සිදුකල යුතු බවත් ඔවුන්ගේ යෝජනාවයි.
මෙල්බන් පදිංචි පුද්ගලයන් සහ නගරයේ ස්ථාපිත ව්‍යාපාරික ආයතන යන දෙකොට්ඨාශයේම 1600 කගේ සහභාගීත්වයෙන් සිදුකල සමීක්ෂණයකදී ලැබුණු ප්‍රථිඵලයක් මතයි මෙල්බන් නාගරික කවුන්සිලය මෙම තීරණය ගෙන ඇත්තේ.
එහිදී සියයට 60 කට ආසන්න පිරිසක් පවසා තිබුණේ ඔස්ටේ්‍රලියා දිනය ජනවාරි 26 වනදායින් බැහැර වෙනත් දිනයක පැවැත්වීම යෝග්‍ය බවටයි.
කෙසේවෙතත් මේ සම්බන්ධ අවසාන තීරණයක් ගැනීම සිදුකල යුතු වන්නේ ෆෙඩරල් රජය විසිනුයි.
මේ සම්බන්ධයෙන් මෙල්බන් නාගරික කවුන්සිලය ලබන අගහරුවාදා රාත්‍රියේ යළිත් රැස්වී සාකච්ඡා කරනු ඇති.
