නිවු සවුත් වේල්ස් ප්‍රාන්තයේ හෙදියන් සහ පවුල් සෞඛ්‍ය නිලධාරිනියන් දහස් සංඛ්‍යාත පිරිසක් පැය 24 ක වර්ජනයක් ආරම්භ කර තිබෙනවා.
ඔවුන් සිඩ්නි නගරයේ ස්ථාන කිහිපයක විරෝධතාවලද නිරත වූ බව සඳහන්.
වැටුප් විෂමතා ඉවත් කිරීම සහ පැවරී ඇති අධික රාජකාරි ලිහිල් කරන ලෙස ඉල්ලමිනුයි මෙම වර්ජනය ක්‍රියාත්මක වන්නේ.
නිවු සවුත් වේල්ස් ප්‍රවාහන සේවකයන් ඊයේ දිනයේදී දැවැන්ත වැඩ වර්ජනයක් පැවැත්වූ වාතාවරණයකදීයි නිවු සවුත් වේල්ස් ප්‍රාන්තයේ හෙදියන් සහ පවුල් සෞඛ්‍ය නිලධාරිනියන් මෙම වර්ජනය සංවිධාන කර ඇත්තේ.
මෙම වෘත්තීය ක්‍රියාමාර්ගය හේතුවෙන් ඇතැම් ශෛල්‍ය කර්ම ප්‍රමාද විය හැකි බවටද අනතුරු ඇගවෙනවා.
