පුහුණූ ශ්‍රමික ගැටලූව විසඳාලීමේ අරමුණ ඇතිව ඔස්ටේ්‍රලියානු ෆෙඩරල් රජය විසින් මෙහෙයවන රැකියා සහ නිපුණතා සමුලුව අද සහ හෙට කැන්බරා පාර්ලිමේන්තු සංකීර්ණයේදී පැවැත්වෙනවා.
සියලූම ප්‍රාන්ත අගමැතිවරුන් මීට සහභාගීවීමට නියමිතයි.
ඔස්ටේ්‍රලියාවේ ජාතික නිපුණතා සතියට සමගාමීව පැවැත්වෙන මෙම රැකියා සමුලුවේදී පුහුණු ශ්‍රමික හිගය ඇතුලු කරුණු රැසක් පිළිබඳ තීරණ ගැනීමට නියමිතයි.
ඔස්ටේ්‍රලියාවේ වාර්ෂික සංක්‍රමණ කෝටාව 160,000 සිට 200,000 දක්වා වැඩි කල යුතු බවට යෝජනා ඉදිරිපත් වී තිබෙනවා.
අද සහ හෙට කැන්බරා නුවරදී පැවැත්වීමට නියමිත රැකියා සහ නිපුණතා සමුළුවේදී ඒ පිළිබඳ තීන්දු තීරණ රැසක් ගැනෙනු ඇති බවටද වාර්තා පළවනවා.
අගමැති ඇන්තනී ඇල්බනීස් පසුගියදා කියාසිටියේ ඔස්ටේ්‍රලියාවට නිපුණතා ශ්‍රමිකයන් විශාල වශයෙන් අවශ්‍ය කාලසීමාවක් උදාවී ඇති බවයි.
පැවති ලිබරල් සන්ධාන රජය විසින් නොසළකා හැරි පුහුණු ශ්‍රමික ගැටලූව විසඳීමට වත්මන් ෆෙඩරල් රජය දැනටමත් පියවර ගෙන ඇති බවයි ඔහු සඳහන් කලේ.
