හිටපු අගමැති ස්කොට් මොරිසන් විසින් රහසිගතව ඇමති ධුර 05 ක දිවුරුම් දුන් බව කියන සිද්ධිය සම්බන්ධයෙන් නිල වශයෙන් විමර්ශනයක් ආරම්භ කල බව අගමැති ඇන්තනී ඇල්බනීස් නිවේදනය කරනවා.
හිටපු මහාධිකරණ වනිසුරුවරියක වන වර්ජිනියා බෙල් විසින් එම විමර්ශනය සිදුකරන බවයි අගමැති ඇල්බනීස් සඳහන් කලේ.
කිසිදු දේශපාලන මැදිහත්විමකින් තොරව මෙම විමර්ශනය පවත්වන බව අගමැතිවරයා අවධාරණය කලා.
මෙහි වාර්තාව නොවැම්බර් 25 වනදා ලබාගැනීමට නියමිතයි.
ඉදිරියේදී මෙවැනි වාතාවරණයක් ඇති නොවීම සඳහා ගත යුතු ක්‍රියාමාර්ග පිළිබඳ නිර්දේශ ඊට අන්තර්ගත වනු ඇති.
මෙය කිසිදු ආකාරයක දේශපාලන පළිගැනීමක් නොවන බවයි අගමැති ඇන්තනී ඇල්බනීස් අවධාරණය කලේ.
