ක්වීන්ස්ලන්ඩ් ඉතිහාසයේ quadriplegia නම් ආබාධ තත්වයෙන් පෙළෙන පළමු වෛද්‍ය ආධුනිකයා බවට පත්වූ වත්මන් වෛද්‍ය දිනේෂ් පළිපාන රථවාහනය නතර කිරීමේ නීති ගැටලුවකට මුහුණ දී තිබෙනවා.
ඔහුට පසුගිය දිනකදී ඩොලර් 88 ක දඩයක් පණවා ඇත්තේ පුද්ගලික ස්ථානයක වාහනය නතර කර ඇතැයි චෝදනා කරමින්.
කෙසේවෙතත් තමන්ට disabled parking permit එකක් ඇති බවයි වෛද්‍ය දිනේෂ් පලිපාන විසින් Care Park වෙත කරන ලද පැමිණිල්ලක දක්වා ඇත්තේ.
අදාළ මාර්ගය නගර කවුන්සිලයක් විසින් පාලනය කරන ලද්දක් බවට තමන් විශ්වාස කර සිටි බවයි ඔහු සඳහන් කරන්නේ.
තමාට එරෙහි දඩය ඉවත් කරන්නැයි Care Park බළධාරීන්ගෙන් ඉල්ලා සිටියද එය ප්‍රතික්ෂේප වූ බවත් ඔහු සඳහන් කලා.
අදාළ මාර්ගය ආරම්භක ස්ථානයේදීම එය පුද්ගලික පාරක් ලෙස දැක්වෙන පුවරුවක් සවිකර තිබීම ඊට හේතුවයි.
ගෝල්ඩ් කෝස්ට් නගරාධිපතිවරයාද මෙම සිදුවීම සම්බන්ධයෙන් අප්‍රසාදය පළකර ඇති අතර ඔහු පවසා ඇත්තේ දඩය ඉවත් කල යුතු බවයි.
