මුද්දර ගාස්තු ඉහළ දැමීමට Australia Post තීරණය කර තිබෙනවා.
ඒ අනුව දැනට පවතින ඩොලර් 1.10 ක් වන අවම ගාස්තුව ඩොලර් 1.20 ක් දක්වා ඉහළ දැමීමට නියමිතයි.
ලබන ජනවාරි මාසයේ සිට මෙම ගාස්තු ඉහළ දැමීම බලාත්මක වන අතර ඊට අදාළ අදහස් හා යෝජනා භාර ගැනීම මේ දිනවල සිදුවනවා.
ග්රෑම් 125 ක උපරිම බරක් ඇති විශාල ප්රමාණයේ ලියුමක් ඩොලර් 2.20 සිට 2.40 දක්වාද ග්රෑම් 125 – 250 අතර පාර්සලයක් සඳහා වන ගාස්තුව ඩොලර් 3.30 සිට 3.60 දක්වාද ඉහළ දැමෙනු ඇති බව සඳහන්.
මහජන අදහස් හා යෝජනා මත මෙම ගාස්තු අඩු වැඩි විය හැකි බවද Australia Post නිවේදනය කරනවා.
