අත්‍යවශ්‍ය ද්‍රව්‍ය 400 කට වැඩි සංඛ්‍යාවක මිළ ගණන් පහත දැමීමට Woolworths තීරණය කර තිබෙනවා.
ඉහළ යන උද්ධමනය සහ ජීවන වියදම හමුවේ පාරිභෝගිකයන්ට කිසියම් සහනයක් සැළසීම එහි අරමුණ බවයි ඔවුන් නිවේදනය කලේ.
ලබන 24 වනදා සිට නොවැම්බර් 29 වනදා දක්වා මෙම මිළ අඩු කිරීම් බලාත්මක වනු ඇති.
කෝපි – චීස් – පාන් – බටර් – විටමින් වර්ග – යෝගට් ඇතුලු ආහාර වර්ග ගණනාවක් මේ අතර වනවා.
මේ අතර අද නිකුත් වූ වාර්තාවක දැක්වුණේ බැංකු කාඩ්පත් මගින් ගණුදෙනු කල ඔස්ටේ්‍රලියානුවන් 1/5 කගේ පමණ එම ගණුදෙනු පසුගිය මාස 03 දී ප්‍රතික්ෂේප වී ඇති බවයි.
බැංකු ගිණුමේ ප්‍රමාණවත් ශේෂයක් නොමැතිවීමයි ඊට හේතුව වන්නේ.
සුපිරි වෙළඳසැල් – ඉන්ධන පිරවුම්හල් – අවන්හල් වැනි ස්ථානවලදී ගණුදෙනු සිදුකල පාර්භෝගිකයන් සියයට 19 ක් මෙම තත්වයට මුහුණ දී තිබුණා.
