ජාත්‍යන්තර මූල්‍ය අරමුදලේ නියෝජිතයන් කණ්ඩායමක් ලබන 24 වනදා සිට 31 වනදා දක්වා කාලයේ ශ්‍රී ලංකාවේ නිල සංචාරයක නිරතවීමට නියමිතව තිබෙනවා.
ශ්‍රී ලංකා බළධාරීන් සමග ආර්ථික සහ මූල්‍ය ප්‍රතිසංස්කරණ සම්බන්ධයෙන් සාකච්ඡා කිරීමයි එහි අරමුණ වන්නේ.
පසුගිය ජූනි මාසයේදී ශ්‍රී ලංකාවේ නිල සංචාරයක නිරතවූ නියෝජිතයන් කණ්ඩායමට නායකත්වය දුන් පිරිසම මෙවරත් පැමිණෙනු ඇති බව සඳහන්.
ශ්‍රී ලංකාවට ලබාදීමට නියමිත විස්තීරණ ණය පහසුකම සම්බන්ධ කාර්ය මණ්ඩල මට්ටමේ එකගතාවයකට මෙහිදී එළැඹෙනු ඇති බවටයි වාර්තා පළවන්නේ.
ශ්‍රී ලංකාවේ ණය තිරසරභාවය සම්බන්ධයෙන් අවිනිශ්චිතභාවයක් පැවතීම හමුවේ අතිරේක සහතික ලබාගත යුතුව ඇති බවයි ජාත්‍යන්තර මූල්‍ය අරමුදල මීට පෙර නිවේදනය කර තිබුණේ.
මෙම සංචාරය අතරතුරදී පාර්ශව කිහිපයක් සමග සාකච්ඡා කිරීමටද ජාත්‍යන්තර මූල්‍ය අරමුදලේ නියෝජිතයන් සූදානමින් පසුවනවා.
