වික්ටෝරියා ප්‍රාන්තයේ දුම්රිය මගීන්ට එක් දිනයක් පුරා නොමිළයේ ගමන් පහසුකම් ලබා ගැනීමට නැවතත් අවස්ථාවක් ලැබී තිබෙනවා.
ඒ අඛණ්ඩව 02 වන වසරටත් නියමිත කාල වේලාවන්ට දුම්රිය ගමන් ක්‍රියාත්මක කිරීමට ඔවුන් අපොහොසත් වීම හේතුවෙනුයි.
නියමිත වේලාවට දුම්රිය ධාවනය කිරීමේ ප්‍රතිශතය සියයට 92 ක් ලෙස පැවතිය යුතු නමුත් පසුගිය ජූලි මාසයේ එම ප්‍රතිශතය සටහන් වී ඇත්තේ සියයට 91.6 ක් ලෙසයි.
මේ අනුව ජූලි මාසයේ අවම දින 10 ක් හෝ Myki Pass භාවිත කල දුම්රිය මගීන්ට ඉදිරියේදී එක් දිනයක නොමිළයේ මෙට්‍රෝ දුම්රිය භාවිත කල හැකි වනවා.
සේවක හිගය හා තාක්ෂණික ගැටලු හේතුවෙන් නියමිත ඉලක්කය සපුරා ගැනීමට නොහැකි වු බවයි වික්ටෝරියා දුම්රිය සේවය සඳහන් කලේ.
