තායිලන්තයේ සිටින හිටපු ජනාධිපති ගෝඨාභය රාජපක්ෂට රැඳී සිටින හෝටලයෙන් පිටව නොයන ලෙස බැංකොක් පොලිසිය උපදෙස් දී තිබෙනවා.
එරට ආරංචි මාර්ග උපුටා දක්වමින් බැංකොක් පෝස්ට් පුවත්පත මේ බව වාර්තා කලා.
ගෝඨාභය රාජපක්ෂ පැමිණි ගුවන් යානය තායිලන්තයේ ෆුකට් ගුවන් තොටුපළ වෙත ගොඩ බැසීමට සැලසුම් කර තිබුණත් ආරක්ෂා හේතුන් මත ගුවන් යානය ඩොන් මුවාන්ග් ජාත්‍යන්තර ගුවන් තොටුපොළ වෙත යොමු කර ඇතැයි සඳහන්.
අනතුරුව තායි ආරක්ෂක අංශ විසින් බැංකොක් නගරයේ ස්ථානය හෙළි නොකළ හෝටලයකට හිටපු ජනාධිපතිවරයා රැගෙන ගොස් ඇතැයි බැංකොක් පෝස්ට් පුවත්පත වාර්තා කරනවා.
සිවිල් ඇඳුමෙන් සැරසි තායිලන්ත ආරක්ෂක අංශ නිලධාරීන් ගෝඨාභය රාජපක්ෂගේ ආරක්ෂාව තහවුරු කිරීමට ඔහු රැඳී සිටින හෝටලයේ යොදවා ඇතැයි එම වාර්තාවල වැඩිදුරටත් සඳහන්.
