ඔස්ටේ්‍රලියාව පුරා පවතින ගුරු හිගය පියවීමට ජාතික සැළැස්මක් සකස් කිරීමට ප්‍රාන්ත අධ්‍යාපන අමාත්‍යවරුන් තීරණය කර තිබෙනවා.
ෆෙඩරල් රජයේ අධ්‍යාපන ඇමති ජේසන් ක්ලාර්ක් සමග ඊයේ කැන්බරා පාර්ලිමේන්තු සංකීර්ණයේදීයි මෙම සාකච්ඡාව පවත්වා තිබුණේ.
ගුරුවරුන් සිදුකරන සේවයට අදාළව ඔවුන්ට හිමිවන වැටුප ප්‍රමාණවත් නොමැති බවද මෙහිදී අවධාරණය වී තිබෙනවා.
ඒ අනුව දෙසැම්බර් මාසය වනවිට ගුරු වැටුප් ඇතුලු ජාතික සැළැස්මක් සකස් කිරීමටයි අධ්‍යාපන අමාත්‍යවරුන් එකග වී ඇත්තේ.
2025 වසර වනවිට උපාධිධාරී ගුරුවරුන් 4000 කගේ පමණ හිගයක් ඇති වනු ඇති බවත් ඊට විසඳුම් වහා සෙවිය යුතු බවත් මෙම සාකච්ඡාවේ අවධානය යොමුවූ තවත් ප්‍රධාන කරුණක් වනවා.
යෝජිත නව වැටුප් ක්‍රමවේදයට අනුව ගුරුවරයෙකුගේ වාර්ෂික වැටුප ඩොලර් 130,000 ක් පමණ දක්වා ඉහළ යනු ඇති බවටද වාර්තා පළවනවා.
