වීසා සේවා සපයන බව පවසා සංක්‍රමණ නීතීඥවරියක ලෙස පෙනී සිටිමින් මෙල්බන්වාසීන්ගෙන් ඩොලර් 80,000 ක මුදලක් වංචාකල කාන්තාවක අත්අඩංගුවට ගෙන තිබෙනවා.
48 හැවිරිදි මෙම තැනැත්තියට වික්ටෝරියා සංක්‍රමණ සේවා පවත්වාගෙන යාම සඳහා වලංගු කිසිදු බලපත්‍රයක් තිබී නොමැති අතර කිසිදු දිනයක ලියාපදිංචි සංක්‍රමණ නියෝජිතවරියක හෝ නීතීඥවරියක ලෙස කටයුතු කර නොමැති බව සඳහන්.
2016 පෙබරවාරි සහ 2017 මැයි කාලයේදී ඔස්ටේ්‍රලියානු වීසා ලබාදිය හැකි බව පවසා මෙම තැනැත්තිය පුද්ගලයන් 04 දෙනෙකුගෙන් ඩොලර් 80,000 ක මුදලක් වංචා කර තිබුණා.
ඇය ඉන්දියාවට පළා යාම සඳහා උත්සාහ කිරීමේදී මෙල්බන් ගුවන් තොටුපළේදීයි අත්අඩංගුවට ගෙන තිබුණේ.
අද අධිකරණයේදී සැකකාරිය වරද පිලිගෙන ඇති අතර දඩුවම් නියම කිරීම ලබන ඔක්තෝබර් මාසයේදී සිදුකිරීමට නියමිතයි.
