ඔස්ටේ්‍රලියාවේ සේවකයන්ට ඩොලර් මිලියන 250 ක වැටුප් ගෙවා නොමැති බවට සුප්‍රකට මැක්ඩොනල්ඩ්ස් අවන්හල් ජාලයට ප්‍රබල චෝදනාවක් එල්ලවනවා.
රට පුරා සේවකයන් 250,000 කට පමණ සේවා මුරවලදී හිමිවන වැටුප් සහිත විවේක කාලයන් සඳහා වන ගෙවීම් මෙලෙස පැහැර හැර ඇති බවටයි ෆෙඩරල් අධිකරණය හමුවේ ගොණුකර ඇති නඩුවක දැක්වෙන්නේ.
කිසියම් අයුරකින් මෙම නඩුව පරාජයට පත්වුවහොත් ඔස්ටේ්‍රලියා ඉතිහාසයේ දැවැන්තම වන්දි මුදලක් ගෙවීමට මැක්ඩොනල්ඩ්ස් ආයතනයට සිදුවනු ඇති.
සෑම පැය 04 කටම වරක් විනාඩි 10 ක විවේකයක් හිමිවන බව සේවකයන්ට නොදන්වා එම කාලයේදීත් ඔවුන් රාජකාරි සඳහා යෙදවූ බවටයි මෙහිදී චෝදනා එල්ල වන්නේ.
මීට මාස කිහිපයකට පෙර සිදුකල සමික්ෂණයකදී අනාවරණ වූයේද ඔස්ටේ්‍රලියානු තරුණ තරුණියන් අර්ධකාලීන රැකියා සඳහා සිය පළමු කැමැත්ත ලෙස තෝරාගෙන ඇත්තේ මැක්ඩොනල්ඩ්ස් අවන්හල් ජාලය බවයි.
