ඔස්ටේ‍රලියානු ක්‍රිකට් කණ්ඩායම විසින් ශ්‍රී ලංකාවේ දරුවන්ට සහ ඔවුන්ගේ පවුල්වලට උපකාර කිරීම සඳහා ඔස්ටේ‍රලියානු ඩොලර් 45,000 ක මූල්‍ය පරිත්‍යාගයක් සිදුකර තිබෙනවා.
මේ සඳහා පෙරමුණ ගෙන ක්‍රියා කලේ සුපිරි ක්‍රීඩකයින් දෙපළක් වන ඒරන් ෆින්ච් හා පැට් කමින්ස් විසිනුයි.
ආර්ථික අර්බුදයෙන් පීඩා විඳින ශ්‍රී ලාංකික දරුවන් ලක්ෂ 17 කට හා ඔවුන්ගේ පවුල් වෙත යුනිසෙෆ් සංවිධානය හරහා එම මුදල බෙදාහැරීමටයි තීරණය කර ඇත්තේ.
සති කිහිපයකට පෙර පැවති ඔස්ටේ‍රලියා – ශ්‍රී ලංකා තරග සංචාරයේදීයි මෙම අරමුදල එක් රැස් කිරීමට පියවර ගෙන තිබුණේ.
ලාංකික දරුවන්ගේ පෝෂණ අවශ්‍යතා සපුරාලීම සහ පානීය ජල පහසුකම් වැඩි දියුණු කිරීම සඳහාද මෙම මුදල් යෙදවීමට නියමිතයි.
