හිටපු ජනපති ගැන අලුත්ම ආරංචියක්

හිටපු ජනාධිපති ගෝඨාභය රාජපක්ෂ තායිලන්තයේ රැඳී සිටිනුයේ තාවකාලික පදනමින් බව එරට අග්‍රාමාත්‍ය ප්‍රයුත් චාන් ඔචා ප්‍රකාශ කර තිබෙනවා.

අනතුරුව හිටපු ජනාධිපතිවරයා වෙනත් රටක ස්ථිර රැකවරණය අපේක්ෂා කරනු ඇති බවයි තායි අගමැතිවරයා උපුටා දක්වමින් විදෙස් වාර්තා සඳහන් කලේ.

මානුෂීය හේතුන් මත ගෝඨාභය රාජපක්ෂ මහතා තායිලන්තයට පැමිණි බව බැංකොක් පෝස්ට් පුවත්පත වාර්තා කර තිබෙනවා.

එරටදී කිසිදු දේශපාලන ක්‍රියාකාරකමක නිරත නොවීමට ගෝඨාභය රාජපක්ෂ එකගතාවය පළකර ඇති බවයි තායි අගමැතිවරයා සඳහන් කර ඇත්තේ.

හිටපු ජනාධිපති ගෝඨාභය රාජපක්ෂ මහතාට තායිලන්තයට ඇතුලුවීමට අවසර දෙන ලෙස ශ්‍රී ලංකා රජයෙන් ඉල්ලීමක් ලැබී ඇතැයි එරට විදේශ කටයුතු අමාත්‍යංශය ඊයේ තහවුරු කලා.

දෙරට අතර දීර්ඝ කාලීන සබඳතා සැළකිල්ලට ගෙන එය සළකා බලන බවයි තායි විදේශ අමාත්‍යංශයේ ප්‍රකාශකවරයා නිකුත් කර ඇති ට්විටර් සටහනක දැක්වෙන්නේ.

2013 වසරේදී ශ්‍රී ලංකාව සහ තායිලන්තය අතර ඇතිකරගත් එකගතා ගිවිසුමකට අනුව රාජ්‍ය තාන්ත්‍රික බලපත්‍රයක් ඇති බැවින් හිටපු ජනාධිපතිවරයාට වීසා රහිතව දින 90 ක කාලයක් තායිලන්තයේ රැඳී සිටීමට අවසර හිමිවන බවද විදේශ අමාත්‍යංශ ප්‍රකාශකයා පෙන්වා දෙනවා.

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »