ඔස්ටේ්‍රලියාවේ ප්‍රධානතම සුපිරි වෙළඳසැල් ජාලයක් වන වූල්වර්ත්ස් විසින් ප්ලාස්ටික් බෑග භාවිතයෙන් ඉවත් කිරීම ආරම්භ කර තිබෙනවා.
ඒ අනුව සත 15 ක වටිනාකමින් යුත් බෑග් මෙලෙස අලෙවිය නතර කිරීම ආරම්භ කර ඇති අතර දකුණු ඔස්ටේ‍රලියා සහ northern territory යන ප්‍රාන්තවලයි පළමුවෙන් එය ක්‍රියාත්මක වන්නේ.
ලබන වසරේ ජූනි මාසය වනවිට සමස්ත ඔස්ටේ‍රලියාවෙන්ම එම බෑග් භාවිතයෙන් ඉවත් කිරීමයි වූල්ස්වර්ත් හි සැලසුම වී ඇත්තේ.
මේ වනවිටත් තම වෙළඳසැල්වලින් 10 න් 08 කම පමණ නැවත භාවිත (reusable) බෑග් අලෙවිය සිදුකෙරෙන බවද වූල්ස්වර්ත් සඳහන් කලා.
වසරකදී භාවිතයට ගැනෙන ප්ලාස්ටික් බෑග් ටොන් 1000 ක් පමණ භාවිතයෙන් ඉවත් කිරීමේ අරමුණ ඇතිවයි ඔවුන් මෙම පියවර ගෙන ඇත්තේ.
මේ අතර තවත් සුපිරි වෙළඳසැල් ජාලයක් වන Big W විසින්ද මෙවැනිම ක්‍රියාමාර්ගයක් ආරම්භ කිරීමට සූදානම් වනවා.
