නිවාස මිළ ගණන් තරමක් පහළයාමක් සිදුවුවුද මෙම වසරේදී තමන්ට නිවසක් මිළදී ගැනීමට හැකිවනු ඇතැයි විශ්වාස නොකරන බව ඔස්ටේ්‍රලියානුවන් 1/3 කට වැඩි පිරිසක් ප්‍රකාශ කර තිබෙනවා.
පසුගිය වසරේදී සියයට 23 ක් ලෙස පැවති එම ප්‍රතිශතය මේ වසරේදී සියයට 37 ක් දක්වා ඉහළ ගොස් ඇති බවයි නවතම අධ්‍යයනයකදී හෙළිවී ඇත්තේ.
වයස අවුරුදු 25 ට අඩු යෞවනයන් අතුරින් සියයට 15 ක් පවසා තිබුණේ තමන්ට නිවසක් මිළදී ගැනීමට නොහැකි වනු ඇති බවයි.
එම ප්‍රතිශතය පසුගිය වසරේදී සියයට 06 ක් වැනි අඩු අගයක පැවතුණා.
වයස අවුරුදු 21 ත් 64 ත් අතර කාණ්ඩයේ එම අගය පසුගිය වසරේ පැවති සියයට 21 සිට මේ වසරේදී සියයට 34 දක්වා ඉහළ ගොස් තිබෙනවා.
නිවසක් මිළදී ගැනීමට සුදුසුම කාලය එළැඹ ඇතැයි පසුගිය දෙසැම්බර් මාසයේ සියයට 67 ක් පවසා ඇති අතර ජූලි මාසයේදී එය සියයට 33 ක් දක්වා දෙගුණයකින් පහළ ගොස් තිබුණා.
ඔස්ටේ්‍රලියාව පුරා පුද්ගලයන් 2521 දෙනෙකු යොදාගනිමිනුයි මෙම සමීක්ෂණය සිදුකර තිබුණේ.
