2021 – 22 කාලසීමාවේදී ඔස්ටේ‍රලියාව තුළදී සේවකයන් වෙත ලැබීමට නියමිත වැටුප් ඩොලර් මිලියන 532 ක මුදලක් ගෙවා නොමැති බව අනාවරණ වී තිබෙනවා.
සේවකයන් 384,000 කට වැඩි පිරිසකට මෙලෙස නියමිත පරිදි වැටුප් ලැබී නොමැති බවයි Fair Work කොමිසම සිදුකර ඇති විමර්ශනයකදී අනාවරණ වී ඇත්තේ.
මෙය පසුගිය වසර හා සැසඳීමේදී 03 ගුණයක ඉහළයාමක් වීම බරපතල තත්වයක් බවයි ඔවුන් සඳහන් කර සිටින්නේ.
මෙම මුදලින් අඩකට වැඩි මුදලක් එනම් ඩොලර් මිලියන 279 ක් පමණ ගෙවා නොමැත්තේ Woolworths, Qantas, the Commonwealth Bank, ABC වැනි මහා පරිමාණ සේවා ස්ථාන විසිනුයි.
Fair Work කොමිසම විසින් මේ සම්බන්ධයෙන් ආරම්භ කර ඇති විමර්ශන සංඛ්‍යාව 50 ක් පමණ වනවා.
