පසුගිය වසරේ ලොක්ඩවුන් පැවති සමයේ මානුෂික අවශ්‍යතා මත ප්‍රාන්ත සීමා හරහා ගමන් කිරීමට ඉල්ලු් කල අයගෙන් වික්ටෝරියා ප්‍රාන්ත රජය අවසර දී ඇත්තේ සියයට 08 ක් වැනි ඉතා සුලු පිරිසකට පමණක් බව හෙළි වී තිබෙනවා.
පසුගිය වසරේ ජූලි 09 වනදා සහ සැප්තැම්බර් 14 වනදා අතරදී එවැනි අයදුම්පත් 33,252 ක් ලැබී තිබී ඇතැයි සඳහන්.
සිය ඥාතීන් රෝගාතුර වී සිටීම සහ වික්ටෝරියාවෙන් වෙනත් ප්‍රාන්තවලට පැමිණීමෙන් පසු හදිසියේම ප්‍රාන්ත සීමා වසා දැමීම නිසා රැඳී සිටීමට ස්ථානයක් නොමැතිවූවන් ද මේ අතර වනවා.
අදාළ අවසරපත් වික්ටෝරියා ප්‍රාන්ත රජය විසින් ප්‍රතික්ෂේප කර ඇත්තේ කිසිදු සාධාරණ හේතුවකින් තොරව බවටයි ප්‍රාන්ත ඔම්බුඩ්ස්මන්වරිය නිකුත් කර ඇති වාර්තාවක දැක්වෙන්නේ.
පැය 12 ක් වැනි කෙටි කාලයක් දීමෙන් පමණක් වික්ටෝරියා ප්‍රාන්ත රජය ප්‍රාන්ත සීමා වසා දැමීම හමුවේ තමන් දැඩි අපහසුතාවයකට ලක්වූ බවයි ප්‍රාන්තවාසීන් සඳහන් කර තිබුණේ.
