පසුගිය වසරේදී කොවිඩ් තත්වය හමුවේ ලොක් ඩවුන් කිරීම්වලට ලක්වූ ප්රාන්ත වැසියන් වෙනුවෙන් වන්දි දෙන ලෙසට ලැබී ඇති නිර්දේශයක් වික්ටෝරියා ප්රාන්ත රජය විසින් ඉවත දමා තිබෙනවා.
නිවු සවුත් වේල්ස් ප්රාන්තය සමග වන ප්රාන්ත සීමාව හිටිහැටියේ වසා දැමීමෙන් ප්රාන්ත වාසීන්ට දැඩි දුෂ්කරතා එල්ල වූ බවයි වික්ටෝරියා ඔම්බුඩ්ස්මන්වරයා නිකුත් කර ඇති වාර්තාවේ දැක්වෙන්නේ.
ඊට වන්දි ලෙස ලොක්ඩවුන් කිරීම් හමුවේ නිවාස තුළට වී සිටීමට සිදුවූ ජනතාවට කිසියම් වන්දි මුදලක් ගෙවන්නැයිද එමගින් නිර්දේශ කර තිබෙනවා.
කෙසේවෙතත් වික්ටෝරියා ප්රාන්ත රජය පවසන්නේ ප්රාන්ත නීති රාමුව තුළ එවැන්නකට ප්රතිපාදන නොමැති බවයි.
සෞඛ්යමය කාරණාවක් මත ප්රාන්ත සීමා වසා දැමුවේ ජනතාවගේම ආරක්ෂව සඳහා බවද එහි දැක්වෙනවා.