22 වන පොදු රාජ්‍ය මණ්ඩලීය ක්‍රීඩා උළෙල නියෝජනය කිරීම සඳහා ශ්‍රී ලංකාවෙන් ගිය කණ්ඩායමේ ක්‍රීඩිකාවක සහ කළමණාකරුවෙකු කණ්ඩායමෙන් ඉවත්ව අතුරුදන්වී තිබෙනවා.
ජූඩෝ ක්‍රීඩිකාවක සහ ජූඩෝ කණ්ඩායම් කළමණාකරුවෙකු එලෙස ක්‍රීඩා ගම්මානයෙන් අතුරුදන්වී ඇති බව සඳහන්.
සිද්ධිය සම්බන්ධයෙන් බර්මිංහැම් මෙට්‍රොපොලිටන් පොලීසිය සහ ශ්‍රී ලංකා ඔලිම්පික් කමිටුව විසින් පරීක්ෂණ ආරම්භ කර තිබෙනවා.
මේ අතර එංගලන්තයේ බර්මින්හැම් නුවර පැවැත්වෙන පොදු රාජ්‍ය මණ්ඩලීය ක්‍රීඩා උලෙළේ පිරිමි මීටර් 100 ධාවන ඉසව්වේ යුපුන් අබේකෝන් සහභාගි වන අවසන් පූර්ව වටය අද පැවැත්වෙනවා.
අවසන් පූර්ව වටයේ තුන්වැනි තරගයට ඔහු සහභාගීවන අතර එය ශ්‍රී ලංකාවේ වේලාවෙන් අද රාත්‍රී 11 යි 56 ට ආරම්භවීමට නියමිත අතර හෙට අලූයම 2.00ට මීටර් 100 ඉසව්වේ අවසන් මහා තරගය පැවැත්වීමට සැලසුම් කර තිබෙනවා.
ඊයේ පැවති මීටර් 100 සුදුසුකම් ලැබීමේ පළමු වටයේ තරගයකින් ප්‍රථම ස්ථානය දිනා ගත් යුපුන් අවසන් පූර්ව වටයට සුදුසුකම් ලැබුවා.
ඒ එම තරගය තප්පර 10.06 කින් නිමා කරමින්.
