Long COVID වල බලපෑම් සමඟ කටයුතු කිරීම සඳහා ඔස්ට්‍රේලියාවට ජාතික සැලැස්මක් ළඟදීම ඇති කළ හැකි බව සෞඛ්‍ය අමාත්‍ය Mark Butler පාර්ලිමේන්තුවට පැවසුවේය.
COVID-19 රෝගීන්ගෙන් දළ වශයෙන් 4% ක් දිගු කාලීන කොවිඩ් රෝග ලක්ෂණ අත්විඳින බව ඔහු පැවසීය.
ගතවූ පැය 24 තුළ ඔස්ට්‍රේලියාවෙන් කොවිඩ් මරණ 95 ක් වාර්තා වී ඇති අතර නිව් සවුත් වේල්ස් ප්‍රාන්තයෙන් කොවිඩ් මරණ 47 ක්ද, ක්වීන්ස්ලන්ත ප්‍රාන්තයෙන් මරණ 22 ක්ද වික්ටෝරියා ප්‍රාන්තයෙන් කොවිඩ් මරණ 13 ක්ද ඊට ඇතුළත් වේ.
කොවිඩ් වසංගතය ආරම්භයේ පටන් මේ දක්වා ඔස්ට්‍රේලියාවේ සිදුවූ කොවිඩ් මරණ 12,000 සීමාවට ඔස්ට්‍රේලියාව ළඟා වෙමින් පවතින අතර මේ වන විට එම අගය 11,959 කි.
පසුගිය දින කිහිපය තුළ ඇතැම් ප්‍රාන්තවල නව දෛනික ආසාදන අඩු වී ඇති අතර, වර්තමාන Omicron මෙම ප්‍රාන්තවල උච්චතම අවස්ථාව වන බවට මුල් සලකුණු පෙන්වයි.
කෙසේ වෙතත්, රෝහල්ගත කිරීම් සහ දැඩි සත්කාර ඒකක වෙත ඇතුළත් කරන රෝගීන් ප්‍රමාණය ඉහළ මට්ටමක පවතී.
අගෝස්තු 02 වන දින NSW ICU හි COVID-19 සහිත පුද්ගලයින් 76 දෙනෙකු වාර්තා කළ අතර එය පසුගිය අප්‍රේල් මාසයේ සිට වාර්තා වූ ඉහළම අගය වේ.
-SBS-
