හිටපු ජනාධිපති ගෝඨාභය රාජපක්ෂට සිංගප්පූරුවේ රැඳී සිටීම සඳහා නිකුත් කර තිබු තාවකාලික අවසර පත්‍රය තවත් දින 14 කට දීර්ඝ කර ඇතැයි එරට වාර්තා පවසනවා.
ඒ අනුව හිටපු ජනාධිපතිවරයා තවදුරටත් සිංගප්පූරුවේ රැඳී සිටිනු ඇති බවයි එරට වාර්තා තහවුරු කරන්නේ.
ගෝඨාභය රාජපක්ෂ නුදුරේදී නැවතත් ශ්‍රී ලංකාවට පැමිණෙනු ඇතැයි කැබිනට් ප්‍රකාශක අමාත්‍ය බන්දුල ගුණවර්ධන ඊයේ පැවති කැබිනට් තීරණ දැනුම් දීමේ මාධ්‍ය හමුවේදී සඳහන් කර තිබුණා.
එවැනි තත්වයක් හමුවේදීයි සිංගප්පූරුව විසින් ගෝඨාභය රාජපක්ෂට එරට රැඳී සිටීමට තවත් දින 14 ක
කාලයක් දී ඇත්තේ.
