ගොඩගැසුණු වීසා අයදුම්පත් ලක්ෂ 10 ක් ගැන අලුත් ආරංචියක්

ගොඩගැසී ඇති වීසා අයදුම්පත් කඩිනමින් සලකා බැලීම මධ්‍යම රජය විසින් ආරම්භ කර තිබෙනවා.

ඒ සඳහා වැඩි කාර්ය මණ්ඩලයක් යොදවන ලෙස ආගමන, පුරවැසිභාවය සහ බහු සංස්කෘතික කටයුතු පිළිබඳ අමාත්‍ය ඇන්ඩෲ ගයිල්ස් විසින් ස්වදේශ කටයුතු දෙපාර්තමේන්තුවට උපදෙස් දී තිබෙනවා.

ඔස්ටේ්‍රලියානු වීසා අයදුම්පත් ලක්ෂ 10 ක් පමණ සලකා බැලීම සඳහා ගොඩ ගැසී ඇති බව සඳහන්.

ශිෂ්‍ය – සංචාරක සහ පුහුණු නිපුණතා වීසා සඳහා යොමු කරන ලද අයදුම්පත් සලකා බැලීමට ප්‍රමුඛත්වය දිමටයි ස්වදේශ කටයුතු දෙපාර්තමේන්තුව තීරණය කර ඇත්තේ.

පසුගිය මස මුල සිට මෙරටින් බැහැරදී යොමු කරනු ලැබූ අයදුම්පත් 645,000 ක් ඇතුළුව වීසා අයදුම්පත් 745,000 ක් සලකා බලා මේ වනවිටත් අවසන් කර තිබෙනවා.

සංචාරක වීසා 388,000 ක්, ශිෂ්‍ය වීසා 62,000 ක් සහ තාවකාලික පුහුණු වීසා 9,550 ක් ද ඊට ඇතුළත්.

වැඩි පිරිසකට ඔස්ටේ්‍රලියාවට පැමිණ මෙරට ආර්ථික වර්ධනයට දායක විය හැකි අතර ශ්‍රම හිගය පිරවීමට සහාය විය හැකි බව ආගමන කටයුතු පිළිබඳ අමාත්‍යවරයා පෙන්වා දෙනවා.

කෙසේ නමුත් ගොඩගැසුණු අයදුම්පත් සලකා බලා සැලකිය යුතු ලෙස අඩු කිරීම එක රැයකින් සිදු කළ නොහැකි බවද ආගමන කටයුතු පිළිබඳ අමාත්‍ය ඇන්ඩෲ ගයිල්ස් අවධාරණය කරනවා.

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »