නව කැබිනට් මණ්ඩලය මීට සුළු වේලාවකට පෙර ජනාධිපති රනිල් වික්‍රමසිංහ මහතා ඉදිරියේ දිවුරුම් දුන්නා.
රාජ්‍ය පරිපාලන , ස්වදේශ කටයුතු , පළාත් සභා හා පළාත් පාලන අමාත්‍යවරයා ලෙස දිවුරුම් දුන්නේ දිනේෂ් ගුණවර්ධන මහතායි.
ඩග්ලස් දේවානන්දා මහතා ධීවර අමාත්‍යධුරයෙත් / සුසිල් ප්‍රේම්ජයන්ත් මහතා අධ්‍යාපන අමාත්‍යවරයා ලෙසත් දිවුරුම් දුන්නා.
බන්දුල ගුණවර්ධන මහතා ප්‍රවාහන , මහාමාර්ග හා ජනමාධ්‍ය අමාත්‍යවරයායි.
කෙහෙළිය රඹුක්වැල්ල මහතා සෞඛ්‍ය හා ජල සම්පාදන අමාත්‍ය ධුරවල දිවුරුම් දුන්නා.
වනජීවි හා වන සම්පත් සංරක්ෂණ අමාත්‍යධුරය හා කෘෂිකර්ම අමාත්‍ය ධුරය හිමිවුනේ මහින්ද අමරවීර මහතාටයි.
විජයදාස රාජපක්ෂ මහතා අධිකරණ – බන්ධනාගාර කටයුතු – හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යවරයායි.
හරීන් ප්‍රනාන්දු මහතා සංචාරක හා ඉඩම් අමාත්‍යධුරයෙත් / මනූෂ නානායක්කාර මහතා කම්කරු හා විදේශ රැකියා අමාත්‍යධුරයෙත් දිවුරුම් දුන්නා.
කර්මාන්ත හා වැවිලි කර්මාන්ත අමාත්‍යවරයා රමේෂ් පතිරණ මහතායි. නාගරික සංවර්ධන හා නිවාස අමාත්‍යවරයා ලෙස ප්‍රසන්න රණතුංග මහතාත් / විදේශ අමාත්‍යවරයා ලෙස අලි සබ්රි මහතාත් දිවුරුම් දුන්නා.
බුද්ධශාසන , ආගමික කටයුතු හා සංස්කෘතික අමාත්‍යධුරය හිමිවුනේ විදුර වික්‍රමනායක මහතාටයි.
කාංචන විජේසේකර මහතා විදුලිබල හා බලශක්ති අමාත්‍යවරයා ලෙසත් / නසීර් අහමඩ් මහතා පරිසර අමාත්‍යවරයා ලෙසත් / ටිරාන් අලස් මහතා මහජන ආරක්ෂක අමාත්‍යවරයා ලෙසත් දිවුරුම් දුන්නා.
නලීන් ප්‍රනාන්දු මහතා වෙළෙද වාණිජ හා ආහාර සුරක්ෂිතතා අමාත්‍යවරයායි.
