ශ්‍රී ලාංකික සිසුන්ට ඔස්ටේ්‍රලියානු ශිෂ්‍ය වීසා ලබාදීම වේගවත් කරන්නැයි ඔස්ටේ්‍රලියානු මධ්‍යම රජයට බලකෙරෙන ඔන්ලයින් පෙත්සමක් අත්සන් කිරිම ආරම්භ කර තිබෙනවා.
උපාධි – පශ්චාත් උපාධි ඇතුලු අධ්‍යයන වැඩසටහන් රැස්ක සඳහා අයදුම්කර ඇති සිසුන් මාස ගණනක සිට බලා සිටින බවයි මෙම පෙත්සමෙහි සඳහන් වන්නේ.
කොළඹ පිහිටි ඔස්ටේ්‍රලියානු මහ කොමසාරිස් කාර්යාලය විසින් වීසා නිකුත් කිරීම කල් දමා තිබීම සහ ස්වදේශ දෙපාර්තමේන්තුවේ වීසා අයදුම් කාල සීමා වෙනස්වීම මීට හේතුවයි.
ශ්‍රී ලංකාව හැර අනෙකුත් රටවලට ඔස්ටේ්‍රලියානු වීසා නිකුත් කිරීමේ ප්‍රමාදයක් නැතැයිද පෙත්සමෙහි දක්වා තිබෙනවා.
වීසා ප්‍රමාදය හමුවේ සිසුන් මානසික වශයෙන් සිත් තැවුලට පත්ව ඇතැයිද අනාගතය පිළිබඳ අවිනිශ්චිත ස්වභාවයකට පත්ව ඇතැයිස මෙමගින් අවධාරණය කර තිබෙනවා.
එබැවින් අනෙකුත් රටවල් හා සමානව ශ්‍රී ලංකාවටද සළකා වීසා නිකුත් කරන ලෙසයි ඔස්ටේ්‍රලියානු රජයෙන් ඉල්ලමින් මෙම පෙත්සම අත්සන් කිරීම ආරම්භ කර ඇත්තේ.
