ගාලු මුවදොර අරගල භූමියට පැමිණි ආරක්ෂක අංශ සාමාජිකයන් පිරිසක් එහි සිටි විරෝධතාකරුවන් සහ කූඩාරම් ඉවත් කිරීමට යාමේදී දැඩි උණුසුම් තත්වයක් හටගෙන තිබෙනවා.
අද අලුයම 01 යි 30 ට පමණ යුධ හමුදා – ගුවන් හමුදා – පොලිසිය සහ පොලිස් විශේෂ කාර්ය බලකා සාමාජිකයන් විශාල පිරිසක් අරගලභූමියට කඩා වැදී තිබුණා.
එහිදී දෙපිරිස අතර දැඩි උණුසුම් තත්වයක් හටගෙන ඇති බවයි වාර්තා වන්නේ.
ආරක්ෂක අංශ සාමාජිකයන් විසින් මෙහිදී කිහිප දෙනකු අත්අඩංගුවට ගෙන තිබෙනවා.
එමෙන්ම මාධ්‍යවේදීන් සහ නීතීඥයන් ඇතුලු පිරිසකටද පහරදීමක් සිදුව ඇති බවද සඳහන්.
