වික්ටෝරියා ප්‍රාන්තයේ දූෂණ මර්දන අංශ සිදුකල විමර්ශනයක වාර්තාවට අනුව වික්ටෝරියා ප්‍රාන්තයේ ලේබර් පක්ෂ මන්ත්‍රීවරුන් කිහිප දෙනෙකුට දූෂණ චෝදනා එල්ල කර තිබෙනවා.
බදු මුදල් සහ ප්‍රජා අරමුදල් අයථා භාවිතය ඉන් ප්‍රමුඛ වන බවයි මෙම වාර්තාවේ දැක්වෙන්නේ.
මීට අදාළ සාක්ෂි විමසීම් පසුගිය වසරේ ඔක්තෝබර් – නොවැම්බර් කාලසීමාවේදී පැවැති අතර වික්ටෝරියා අගමැති ඩැනියල් ඇන්ඩෲස් ද සාක්ෂි ලබාදුන් පිරිස අතර වනවා.
වික්ටෝරියා ප්‍රාන්ත ලේබර් පක්ෂය තුළ සදාචාරය සැළකිය යුතු අන්දමින් බිඳ වැටී ඇති බවත් මෙම වාර්තාවෙන් අනාවරණය කර තිබෙනවා.
එම තත්වය වහා විසඳීමට කඩිනමින් අනුගමනය කල යුතු නිර්දේශ 21 ක් ද අද නිකුත් වූ වාර්තාවට අන්තර්ගතයි.
