විවිධ වාහන වැටලීම් සිදු කිරීම් අතින් වික්ටෝරියා ප්‍රාන්තය පෙරමුණට පැමිණ තිබෙනවා.
විශේෂයෙන් මාර්ග නීති උල්ලංඝනය කර මහමග නතර කිරීම සහ රිය අනතුරුවලට සම්බන්ධවීම එම ප්‍රධාන හේතු වනවා.
පසුගිය වසරේදී වාහන 11,391 ක් පොලිසිය විසින් සිය භාරයට ගෙන තිබූ අතර එහි සාමාන්‍ය්‍ය දිනකට වාහන 31 ක් වනවා.
එහෙත් 2020 වසරේදී ලොක්ඩවුන් පැවති සමයේදී වික්ටෝරියා ප්‍රාන්තයේ එය දිනකට 36 ක සාමාන්‍යයක් ලෙස පැවතී තිබෙනවා.
එනම් 2020 වසර පුරා වටලනු ලැබ තිබූ වාහන ගණන 13,188 ක්.
මෙම වාහන හිමියන්ගෙන් සියයට 20 කට රියදුරු බලපත් තිබි නොමැති අතර සියයට 48 කට කුමන හෝ නුසුදුසුකමක් තිබී තිබෙනවා.
එමෙන්ම සෑම 10 දෙනෙකුගෙන්ම අයෙකු නියමිත වේග සීමා ඉක්මවා රිය ධාවනය කර ඇති බවයි වික්ටෝරියා ප්‍රාන්ත පොලිසිය පවසන්නේ.
