දැඩි ආර්ථික අර්බුදයක් තිබියදී ක්වන්ටාස් සමාගමේ ඉහළම නිළධාරීන් විසින් ඩොලර් මිලියන ගණනක ප්‍රසාද දීමනා ලබාගෙන ඇති බවට වෘත්තිය සමිති චෝදනා කරනවා.
පසුගිය මැයි මාසයේදී නියමිත ගුවන් ගමන් අතුරින් සියයට 7 ක් අවලංගු කිරීමට සහ සියයට 40 ක් පමණ ප්‍රමාද කිරීමට සිදුව තිබූ බවයි ඔවුන් පෙන්වා දෙන්නේ.
එවැනි වාතාවරණයකදී පවා ක්වන්ටාස් විධායක නිළධාරීන් විසින් ඩොලර් මිලියන ගණනක ප්‍රසාද දීමනා හිමිකරගෙන ඇති බවටයි වෘත්තීය සමිති චෝදනා කරන්නේ.
කොවිඩ් තත්වය හමුවේ පසුගිය වසර 02 තුළදී ක්වන්ටාස් සමාගම ප්‍රසාද දීමනා ගෙවීම අත්හිටුවා තිබුණා.
එමෙන්ම මහජන බදු මුදල්වලින් ඩොලර් බිලියන 02 ක පමණ උපකාරයක් රජයෙන් ලබාගැනීමටයි ඔවුන් කටයුතු කර තිබුණේ.
මීට අමතරව සේවකයන් 2000 ක් පමණ ඉවත් කරමින් ගත් තීන්දුව අධිකරණයේදී පරාජය වීමද ක්වන්ටාස් පාලනාධිකාරිය ලද පසුබෑමක් ලෙසයි විචාරකයන් පෙන්වා දෙන්නේ.
