ශ්‍රී ලංකාවේ දේශපාලනය සම්බන්ධයෙන් අතිශය තීරණාත්මක සතියක් අදින් උදාවනවා.
ඒ මීලග ජනාධිපතිවරයා තෝරා ගැනීම සම්බන්ධ පාර්ලිමේන්තු ඡන්ද විමසීම තවත් පැය 72 කටත් නොඅඩු කාලයකදී පැවැත්වීමට නියමිතව තිබීම හේතුවෙනුයි.
විපක්ෂ නායක සජිත් ප්‍රේමදාස, ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක සහ ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රිී ඩලස් අලහප්පෙරුම මේ සඳහා තරග කරන බවට මේ වන විටත් නිල වශයෙන් දැනුම් දී අවසන්.
එමෙන්ම, වැඩබලන ජනාධිපති රනිල් වික්‍රමසිංහ ද තරග කරනු ඇති බවටයි වාර්තා පළවන්නේ.
මේ අතර, ජනාධිපති ධුරය සම්බන්ධයෙන් සාකච්ජා කිරීමට සමගි ජනබලවේගයේ සහ සමගි ජන සන්ධානයේ නායකයන් අද නැවතත් රැස්වනවා.
සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක කියා සිටියේ අවසන් තීන්දු තීරණ කිහිපයකට එහිදී එළැඹීමට නියමිත බවයි.
