ස්ථාවර රජයක් නැත්නම් ශ්‍රී ලංකාව අක්‍රීය වේවි – මහ බැංකු අධිපති

ස්ථාවර රජයක් නුදුරේදීම පිහිටුවීමට අපොහොසත් වුවහොත් ශ්‍රී ලංකාව අක්‍රීය තත්වයකට පත්වනු ඇතැයි මහ බැංකු අධිපති ආචාර්ය නන්දලාල් වීරසිංහ පවසනවා.

අත්‍යවශ්‍ය ඉන්ධන ආනයන සඳහා මුදල් ගෙවීමට විදේශ විනිමය සොයා ගැනීම අවිනිශ්චිත තත්වයකට පත්ව ඇති බවයි බී බී සී ය සමග සම්මුඛ සාකච්ඡාවකට එක්වෙමින් ඔහු සඳහන් කලේ.

ජාත්‍යන්තර මූල්‍ය අරමුදලෙන් ලැබීමට නියමිත ණය මුදල හිමිවීම පවා දේශපාලන අස්ථාවරභාවය හේතුවෙන් අඩාල විය හැකි බවටද මහ බැංකු අධිපතිවරයා අනතුරු අගවා සිටිනවා.

මෙම මාසය තුළ ලැබීමට නියමිත ඩීසල් සහ පෙට්‍රල් නෞකා කිහිපයක් සඳහා ගෙවීමට මුදල් ඇති නමුත් ඉන් ඔබ්බට ඇත්තේ දැඩි අවිනිශ්චිතභාවයක් බවයි ආචාර්ය නන්දලාල් වීරසිංහ අවධාරණය කරන්නේ.

එසේ වුවහොත් සමස්ත රටම අක්‍රීය විය හැකි බවටද මහ බැංකු අධිපතිවරයා පුරෝකථනය කරනවා.

එවැනි තත්වයක් උද්ගත නොවීම පිණිස ජනාධිපතිවරයෙකු – අග්‍රාමාත්‍යවරයෙකු සහ කැබිනට් මණ්ඩලයක් පත්විය යුතු බවයි ආචාර්ය නන්දලාල් වීරසිංහ මහතා සඳහන් කලේ.

ජනාධිපති ධූරයට පත්වීමට කිසිදු අපේක්ෂාවක් තමන් සතුව නොමැති බවත් කිසිදු දේශපාලන තනතුරක් භාරගැනීමට තමන් තුළ බලාපොරොත්තුවක් නොමැති බවත් මහ බැංකු අධිපතිවරයා මෙහිදී කියාසිටියා.

ණය මුදල ලබාදීම සම්බන්ධ ඉදිරි කටයුතු සිදුකරගෙන යාම සඳහා ශ්‍රී ලංකාවේ වත්මන් තත්වය විසඳෙන තුරු බලා සිටින බව ජාත්‍යන්තර මූල්‍ය අරමුදල පවසනවා.

එහි ප්‍රකාශක ගෙරී රයිස් සඳහන් කලේ තාක්ෂණික මට්ටමේ සාකච්ඡාවලට අදාළව ශ්‍රී ලංකා රජයේ නිළධාරීන් සහ ඉහළ පෙලේ නියෝජිතයන් අතර තවදුරටත් අදහස් හුවමාරු කරගනිමින් සිටින බවයි.

මහ බැංකුවේ සහ මුදල් අමාත්‍යංශයේ නියෝජිතයන් සමග සාකච්ඡා පැවැත්වෙන බවද හැකි ඉක්මණින් ඉහළම මට්ටමේ සාකච්ඡා පැවැත්වීමට අපේක්ෂා කරන බවද ජාත්‍යන්තර මූල්‍ය අරමුදලේ ප්‍රකාශකයා වැඩිදුරටත් කියාසිටියා.

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »

ලොව පුරා ජනප්‍රිය වූ Dogecoin මුහුණේ කබොසු මියයයි

ගෝලීය සංකේතයක් බවට පත් වූ විකල්ප ගුප්තකේතන මුදල් ඒකකයක්වන Dogecoin හි මුහුණුවර බවට පත් වූ ජපන් සුනඛ කබොසු වයස අවුරුදු 18 දී මිය ගිය බව ඇගේ හිමිකාරිණිය පවසනවා.

Read More »