ජනපති තවමත් මාලදිවයිනේ – ඉල්ලා අස්වීම මෙතෙක් නැහැ

ජනාධිපති ගෝඨාභය රාජපක්ෂ තවදුරටත් මාලදිවයිනේ මාලේ අගනුවර රැඳී සිටින බව විදෙස් මාධ්‍ය වාර්තා කරනවා.

ඉන්දියාවේ එන් ඩී ටීවී පුවත් සේවය අද අලුයම වාර්තා කර තිබුණේ පෙර සැලසුම් කර තිබූ ගුවන් යානයෙන් ජනාධිපතිවරයා සිංගප්පූරුව බලා පිටත්ව ගොස් නොමැති බවයි.

SQ437 දරණ ගුවන් යානයෙන් ඊයේ රාත්‍රියේ මාලේ නුවර සිට සිංගප්පූරුව බලා යාමට ජනාධිපතිවරයා සැලසුම් කර තිබූ බවයි එම පුවත් සේවය වාර්තා කළේ.

කෙසේවෙතත් ආරක්ෂක ගැටළු හේතුවෙන් ජනාධිපතිවරයා සැලසුම් කර තිබූ පරිදි එම ගුවන් යානයේ ගමන් කර නොමැති බව ද එම පුවත් සේවය වාර්තා කර තිබුණා.

ඒ අනුව මාලදිවයිනේ රැඳී සිටින ගෝඨාභය රාජපක්ෂ මහතාට සහ ඔහුගේ බිරිඳ අයෝමා රාජපක්ෂට සිංගප්පූරුව බලා පිටත්ව යාම සඳහා පෞද්ගලික ගුවන් යානයක් ලබාගැනීම සම්බන්ධයෙන් සාකච්ඡා පවතින බව ද වාර්තා වන බවයි මාලදිවයිනේ මාධ්‍ය වාර්තා උපුටා දක්වමින් එන් ඩී ටීවී පුවත් සේවය අද අලුයම වාර්තා කර තිබුණේ.

ජනාධිපති ගෝඨාභය රාජපක්ෂ මහතා, ඔහුගේ බිරිඳ හා තවත් ආරක්ෂක නිලධාරීන් දෙදෙනෙකු, ශ්‍රී ලංකා ගුවන් හමුදාවට අයත් ගුවන් යානයකින් මාලදිවයින බලා පිටත්ව ගොස් තිබුණේ ඊයේ අලුයමයි.

ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය ඉදිරිපත් කර ඇතැයි රජයේ වගකිව යුතු කිසිඳු පාර්ශවයක් විසින් මෙතෙක් තහවුරු කර නැහැ.

ඉකුත් 09 වනදා රට තුළ පැවැති නොසන්සුන්කාරී වාතාවරණයෙන් පසු තමන් ජූලි මස 13 වනදා සිය ධූරයෙන් ඉල්ලා අස්වන බව තමන්ට දැනුම්දුන්නේ යැයි කථානායක මහින්ද යාපා අබේවර්ධන ඉකුත් දා ප්‍රකාශ කළා.

කෙසේවෙතත් ඊයේ අලුයම ජනාධිපතිවරයා දිවයිනෙන් පිටත්ව මාලදිවයින බලා ගොස් තිබූ අතර ඒ වනවිටත් කිසිඳු ලිපියක් කථානායකවරයා වෙත යොමු කර තිබුණේ නැහැ.

පසුව කථානායකවරයා ඊයේ ප්‍රකාශ කළේ ඊයේ දිනය තුළ තමන්ට අදාළ ලිපිය යොමු කරන බවට ජනාධිපතිවරයා විසින් තමන්ට දැනුම් දුන් බවයි.

ඊයේ රාත්‍රියේත් කථානායකවරයා ප්‍රකාශ කළේ ජනාධිපතිවරයා මාලදිවයිනේ සිට සිංගප්පූරුව බලා යාමට නියමිත බැවින් එරටට ළගා වූ පසු ඉල්ලා අස්වීමේ ලිපිය තමන් වෙත යොමු කරන බව දන්වා ඇති බවයි.

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »