ගෝලීය ඉන්ධන මිළ ඉහළයාමත් සමග ගුවන් ටිකට්පත් ගාස්තු සැළකිය යුතු අගයකින් ඉහළ යනු ඇති බවට ජාත්‍යන්තර ගුවන් ප්‍රවාහන සංගමය අනතුරු අගවනවා.
යුක්රේන – රුසියා අර්බුදය අවසන් නොවීමද ඊට තවත් හේතුවක් බවයි සංගමයේ අධ්‍යක්ෂ ජනරාල් විලී වොල්ෂ් පෙන්වා දෙන්නේ.
තවත් මාස කිහිපයකින් උතුරු අර්ධ ගෝලයට ශීත සෘතුව එළැඹීමත් සමග ගුවන් ටිකට්පත් ගාස්තු කැපී පෙනෙන ලෙස වැඩිවනු ඇති බව ඔහු සඳහන් කරනවා.
මේ අතර ලොව පුරා රටවල් ගණනාවක ගුවන් තොටුපළවල සිදු කෙරෙන අවලංගු කිරීම් ඉහළ යනු ඇති බවද විලී වොල්ෂ් අනාවැකි පළකරනවා.
ප්‍රමාණවත් පරිදි ඉන්ධන සපයා ගැනීමට නොහැකිවීම ඊට හේතුව ලෙසයි ඔහු පෙන්වා දෙන්නේ.
