කොළඹ කොටුවේ විරෝධතාවයක නිරත අරගලකරුවන් පිරිසකට පොලිසිය කඳුලු ගෑස් සහ ජල ප්‍රහාරයක් එල්ල කර තිබෙනවා.
මෙහිදී මාධ්‍යවේදීන් ඇතුලු විශාල පිරිසක් අපහසුතාවයට පත්වූ බව සඳහන්.
ජනාධිපතිවරයාට – අගමැතිවරයාට සහ සමස්ත ආණ්ඩුවට ඉල්ලා අස්වන්නැයි බලකරමින් දහස් සංඛ්‍යාත පිරිසක් මේ වනවිට කොළඹ නගරයට පැමිණෙමින් සිටිනවා.
පොලිස් ඇඳිරි නීතිය ඉවත් කළද දුම්රිය ධාවනය නොකිරීම හේතුවෙන් දුම්රිය ස්ථාන වෙත පැමිණි මගීන් දැඩි පීඩාවට පත්ව සිටිනවා.
වාර්තාකරුවන් සඳහන් කලේ දුම්රිය ස්ථාන වෙත මේ වන මගීන් විශාල පිරිසක් පැමිණ සිටින බවයි.
මහනුවර දුම්රිය ස්ථානයට පැමිණි මගීන්ගේ දැඩි ඉල්ලීම හමුවේ කොළඹ බලා දුම්රියක් ගමන් ආරම්භ කරවීමට සිදුව තිබුණා.
