දිගින් දිගටම ඇතිවන ජල ගැලීම් හමුවේ එළවලු – පළතුරු ඇතුලු අත්‍යවශ්‍ය ආහාර ද්‍රව්‍ය රැසක මිළ ගණන් ලබන නත්තල් කාල සීමාව දක්වා ඉහළ යනු ඇතැයි අනතුරු ඇගවෙනවා.
විශේෂයෙන් සිඩ්නි නගරවාසීන්ට සෙසු ප්‍රදේශවලට සාපේක්ෂව ඉහළ මිළ ගණන් ගෙවීමට සිදුව ඇති බවයි සුපිරි වෙළඳසැල් හිමියන් පෙන්වා දෙන්නේ.
මෙම වසර තුළදී 03 වන වරටත් නිවු සවුත් වේල්ස් ප්‍රාන්තයට ජල ගැලීම් තත්වයක් බලපා ඇති අතර අස්වනු රැසක් විනාශ වී තිබෙනවා.
ඇතැම් එළවලු වර්ග සුපිරි වෙළඳසැල් තුළ කිසිදු ආකාරයකින් මිළදී ගැනීමට නොහැකි තත්වයක පවතින බවයි වාර්තා වන්නේ.
ඒවා නැවත වගා කිරීමට අවම වශයෙන් සති 10 ත් 12 ත් අතර කාලයක් ගතවනු ඇති බවද වගාකරුවන් සඳහන් කර තිබෙනවා.
