මෙල්බන් ප්‍රාථමික පාසලක බාහිර ක්‍රියාකාරකම් අතරතුරදී 07 හැවිරිදි කුඩා දරුවෙකු අමතක වී දමා යාම සම්බන්ධයෙන් විමර්ශනයක් ආරම්භ කර තිබෙනවා.
Dingley Village Primary පාසල විසින් මෙම ක්‍රියාකාරකම සංවිධාන කර ඇත්තේ පසුගිය බදාදා යි.
ළමුන් 40 ක් පමණ සඳහා රැගෙන යාමට සූදානම් කර තබා ඇතත් විලියම් නම් 07 හැවිරිදි දරුවා බස් රථයට නංවා ගැනීමකින් තොරව එය පිටත්ව ගොස් තිබෙනවා.
පැය 02 කට ආසන්න කාලයක් ඔහු කිසිදු අධීක්ෂණයකින් තොරවයි කාලය ගත් කර ඇත්තේ.
අදාළ ස්ථානයට යාමෙන් අනතුරුව කාර්ය මණ්ඩල සාමාජිකයෙකු විසින් සිසුන් සංඛ්‍යාව ගණන් කිරීමෙන් පසුවයි එක් සිසුවෙකු පාසලේ දමා පැමිණ ඇති බව වටහාගෙන ඇත්තේ.
වහා ගුරුවරයෙකු පාසලට පැමිණ ඇති අතර සිසුවා නිරුපද්‍රිතව සිටිනු දැක තිබෙනවා.
අදාළ විමර්ශනය අවසන් වන තුරු ගුරුවරුන් 04 දෙනකු සේවයෙන් ඉවත්ව සිටිනවා.
