නීති විරෝධී ලෙස මුහුදු මාර්ග ඔස්සේ ඔස්ටේ්‍රලියාවට සංක්‍රමණය වීමට උත්සහ කළ බවට සැකකෙරෙන තවත් පුද්ගලයන් 51 දෙනෙකු ත්‍රිකුණාමලයට ඔබ්බෙන් වූ මුහුදේදි නාවික හමුදා භාරයට ගෙන තිබෙනවා.
ඊයේ රාත්‍රියේ සිදුකල සෝදිසි මෙහෙයුමකදීයි බහුදින ධීවර යාත්‍රාවකින් ගමන් කරමින් සිටි මෙම පිරිස නාවික හමුදා භාරයට ගෙන ඇත්තේ.
වැඩිහිටි පිරිමි පුද්ගලයන් 41 ක්, වැඩිහිටි කාත්තාවන් 05 ක් සහ ළමුන් 05 ක් ඒ අතර වුණා.
ඒ අනුව, වයස අවුරුදු 05 ත් 56 ත් අතර වයසේ පසුවන නාවික හමුදාව භාරයට ගත් සැකකරුවන් පිරිස, යාපනය, වව්නියාව, ත්‍රීකුණාමලය, මඩකලපුව, අම්පාර, ගම්පහ සහ රත්නපුර යන ප්‍රදේශයන්හී පදිංචිකරුවන් බවට හඳුනා ගන්නා ලද අතර, එම පිරිස ඉදිරි නීතිමය කටයුතු සඳහා ත්‍රීකුණාමලය වරාය පොලිසිය වෙත භාරදීමට නියමිතව ඇත.
එම පිරිස ඉදිරි නීතිමය කටයුතු සඳහා පොලිසිය වෙත භාරදීමට නියමිත බව නාවික හමුදාව සඳහන් කලා.
